Pak minuta me pare jane celur zyrtarisht Lojerat Olimpike Dimerore 2018, ne fshatin turistik te Korese se Jugut PyeongChang. Kane parakaluar ne ceremonine hapese mbi 3000 sportiste nga 92 vende te botes. Keto jane Lojerat e 23 Olimpike, dhe vijne me mesazhe te forta paqeje e bashkimi ne nje kohe jo shum te qarte e te trazuar ne arenen politike boterore. Perfaqesuesit e Shqiperise parakaluan te 48 ne rradhe.
Stervitja ka vijuar rregullisht per sportistet Kuq e Zi, bashke me trajneret e tyre, ne pistat e posaçme. Ne vijim sportistet Suela Mëhilli dhe Erjon Tola do te garojne ne disiplinat slalom dhe slalom gjigand. Rezultatet e para priten te vijne nga Suela e cila do te garoje ne datat 12 dhe 14 Shkurt, ndersa Erjoni garon ne datat 18 dhe 22 Shkurt. Per me shume mbi profilet e sportisteve kliko ketu.
Temperaturat e ketyre diteve, jane nder me te uletat e regjistruara ne historine e Olimpikut Dimeror, por kane permiresime dhe deri me tani nuk jane bere pengese e mbarevajtjes se eventit. Pishtari Olimpik eshte ndezur dhe ceremonia e hapjes eshte konsideruar sukses dhe ka dhuruar spektakel. Yuna Kim eshte sportisja medaliste e Korese e cila ndezi pishtarin dhe dhe bashke me te edhe atmosferen ne stadium. Ky stadium, me vlere 80 milion paund, eshte ndertuar per t’u perdorur vetem 4 here para se te çmontohet.
Ne kete ceremoni sportistet e Korese se Veriut jane bashkuar me ata te Korese se Jugut nen nje flamur te unifikuar dhe kane dhene nje mesazh te fuqishem, duke marre parasysh diferencat mes dy shteteve.
Nje ekip tjeter garuesish i perbere nga sportiste refugjate, qe vijne nga vende ne krize, ka sjelle nje mesazh tjeter bashkimi dhe sensibilizimi.
Burimet: KOKSH, INDEPENDENT UK, OLYMPIC Website.
Fotot: KOKSH, INDEPENDENT UK