Tirana ka celur sezonin e ri te Liges Ballkanike, ne Maqedoni kunder Blokotehna, por jo me rezultat pozitiv. Ndeshja ka perfunduar me rezultat 100-68 per vendasit maqedonas. Keta te fundit kane dominuar lojen ne tre periodat e para (24-16; 30-20; 30-9), dhe kane hasur rezistence ne perioden e katert (16-23) e cila nuk ka qene e mjaftueshme per te kthyer rezultatin apo per t’a afruar ate. Celesi qe i dha fitoren maqedonasve ishte dukshem mbrojtja e mire, e cila qe sfide per tanet. Per skuadren e Blokotehna ky qe viti i pare i pjesemarrjes ne Ligen Ballkanike, dhe rezultati u dha perparesi.

Ne parket, nga tanet dominuan dukshem lojen Hysenagolli e Shima. Keta performuan statistikisht me mire se pjesa tjeter e skuadres duke realizuar 33 pike e 7 rebounde – Hysenagolli, dhe 11 pike e 5 assiste – Shima. Aktive ne loje kane qene edhe tre prurjet e reja te Tiranes Brckov, Popovic e Abdul-Bassit. Hysenagolli shprehet i vetedijshem per performancen jo te kenaqshme, ndersa trajneri Doukas dekraon se nuk ishin mendesisht te pergatitur per nje loje sfiduese (BIBL). Te dy shprehen pozitive per ne vazhdim duke theksuar se sezoni sapo ka filluar, dhe se edhe performanca te tilla jane nje hap drejt permiresimit.

Tirana do vazhdoje rrugetimin ne Ligen Ballkanike me ndeshjen e ardhshme, me 18 Tetor, ku do te udhetoje drejt Bullgarise per t’u perballur me Akademik Bultex. Keta te fundit e kane celur Ligen me fitoren ndaj Ibar Rozaje te Malit te Zi (83-94). Perpos Liges Ballkanike, Tirana do te luaje kete jave edhe ne Kampionatin e Basketbollit, diten e diele ora 18:00 kunder Barleti-Eagles.